«Բարսելոնան» 19-ամյա պաշտպանի համար կառաջարկի 10 մլն եվրո
Կատալոնական «Բարսելոնան» հետաքրքրություն է ցուցաբերում «Բոկա Խունիորսի» 19-ամյա պաշտպան Լեոնարդո Բալերդիի նկատմամբ, այս մասին հայտնում է As-ը:
«Բոկա Խունիորսի» նախագահ Դանիել Անգելին հաստատել է, որ «Բարսելոնան» հետաքրքրված է Բալերդիով, սակայն ակումբը մերժել է կատալոնցիների առաջարկը: Մոտ ապագայում «Բարսելոնան» մտադիր է նոր առաջարկ ներկայացնել: Ակումբը կփորձի գնել ֆուտբոլիստին 10 մլն եվրոյով:
Բալերդին դեռ չի խաղացել «Բոկայի» առաջին թիմի պաշտոնական հանդիպումների ընթացքում: Բալերդին հավաքականի հետ հաղթել է Արգենտինայի մինչև 20 տարեկան պատանիների միջազգային COTIF-2018 մրցաշարում:
Ֆուտբոլիստը միջմրցաշարային նախապարաստման ընթացքում մարզվել է հիմնական թիմի հետ:
Սիրարփի Աղաբաբյան
