««Սանիտեկ»-ը թերանում է Երևանի աղբահանությունը կատարելու հարցում». Կամո Արեյան
Երևանի քաղաքապետի ժամանակավոր պաշտոնակատար Կամո Արեյանն արձանագրում է, որ «Սանիտեկ» ընկերությունը թերանում է մայրաքաղաքի աղբահանությունը նորմալ կատարելու հարցում:
Հայ-չինական դպրոցի բացման հանդիսավոր միջոցառուման մեկնարկից առաջ լրագրողների հետ զրույցում Կամո Արեյանն ընդգծեց, որ ինքը՝ որպես Երևանի քաղաքապետի ժամանակավոր պաշտոնակատար, կատարել է ընթացակարգով անհրաժեշտ բոլոր քայլերը:
«Ես որոշել եմ տույժի ենթարկել «Սանիտեկ»-ին: Խնդիրը նրանց մեջ է, դա նրանց ներքին խնդիրն է: «Սանիտեկ»-ը՝ որպես Երևանում աղբահանությունը իրականացնող օպերատոր, պետք է պատշաճ կերպով կատարի իր պարտականությունները»,- ընդգծեց Կամո Արեյանը:
Արեյանը հավելեց, որ «Սանիտեկ»-ն ընդունել է իր մեղքը և հաստատել, որ պետք է պատշաճ կատարի իր պարտականությունները:
