Իտալիայում կամրջի փլուզման տեսանյութը հայտնվել է Ցանցում
Իտալիայում կամրջի փլուզման տեսանյութը, որը նկարահանել են Ջենովայի քաղաքային տեսախցիկները, հայտնվել է ցանցում: Կադրերը հրապարակված են La Repubblica հրատարակության YouTube-ալիքում:
Ջենովայի ավտոմոբիլային կամրջի մոտավորապես 200-մետրանոց հատվածը փլվել է օգոստոսի 14-ին: Դրա հետեւանքով փլատակների տակ են հայտնվել տասնյակ մարդատար մեքենաներ եւ մի քանի բեռնատար:
Պաշտոնական տվյալներով՝ պատահարից զոհվել է 43 մարդ: Փրկարարները նաեւ զգուշացրել են, որ Ջենովայի կամրջի եւս մեկ մասը, որը մնացել է առանց ամրակապերի, կարող է փլվել բնակելի շենքերի վրա:
