«Բարսելոնան» կավելացնի Բուսկետսի հրաժարագինը մինչև 500 մլն եվրո
Կիսապաշտպան Սերխիո Բուսկետսը և «Բարսելոնան» մոտ են նոր պայմանագրի ստորագրմանը: Կողմերը համաձայնեցրել են գործարքի մանրամասները, որոնք կհաստատեն սեպտեմբերին: Ըստ էության, դա կլինի ոչ թե պայմանագրի երկարաձգում, այլ մի շարք պայմանների թարմացում:
Բուսկետսի գործող պայմանագիրը նախատեսված է մինչև 2021 թվականը, բայց ի սկզբանե պայմանագրում նախատեսված է եղել օպցիա՝ այն մինչև 2023 թվականը երկարաձգելու վերաբերյալ:
Ըստ նոր պայմանագրի՝ 30-ամյա ֆուտբոլիստի հրաժարագինը 200 մլն եվրոյից կավելանա մինչև 500 մլն եվրո: Հաղորդվում է նաև, որ կբարձրանա ֆուտբոլիստի աշխատավարձը:
Բուսկետսը կատալոնացիների սան է: Առաջին թիմի կազմում նա խաղում է 2008 թվականից՝ անցկացնելով ավելի քան 300 հանդիպում և նվաճելով 28 տիտղոս:
Պատրաստեց Անի Գաբուզյանը
