Total ընկերությունը պաշտոնապես «լքեց» Իրանը
Total ֆրանսիական նավթընկերությունը պաշտոնապես «լքել» է Իրանը: Այդ մասին հայտարարել է Իրանի նավթի նախարարության ղեկավար Բիժան Զանգանեն:
«Total-ը պաշտոնապես դուրս եկավ Հարավային Պարս-11-ի շահագործման շուրջ ձեռք բերված պայմանավորվածությունից: Արդեն ավելի քան երկու ամիս է անցել այն պահից, երբ ընկերությունը հայտարարել է համաձայնագրից դուրս գալու մասին»,- հայտնել է նախարարը ICANA գործակալությանը:
Նրա խոսքով՝ Իրանը ներկայում ընկերությանը փոխարինող է փնտրում, հաղորդել է ՌԻԱ Նովոստին:
