Առնվազն տասը մարդ է զոհվել Լոմբոկ կղզում 6,9 մագնիտուդով նոր երկրաշարժի հետևանքով
Առնվազն տասը մարդ է զոհվել, եւս 24-ը՝ տուժել Ինդոնեզիայի խտաբնակ Լոմբոկ կղզում տեղի ունեցած նոր երկրաշարժի հետեւանքով:
Այդ մասին Facebook-ի իր էջում հայտնել է երկրի Տարերային աղետների հետեւանքների վերացման ազգային վարչությունը: Ավելի վաղ հաղորդվել էր 5 զոհվածների մասին:
Օգոստոսի 19-ին Լոմբոկ կղզում 6,9 մագնիտուդով երկրաշարժ է տեղի ունեցել:
Օգոստոսի 5-ին ինդոնեզական Լոմբոկ կղզուց հյուսիս ընկած շրջանում տեղի է ունեցել 7 մագնիտուդով ուժգին երկրաշարժ՝ 5,4 եւ 4,3 մագնիտուդով հետցնցումներով: Ըստ վերջին տվյալների՝ դրա զոհ է դարձել 436 մարդ, հաղորդել է ՌԻԱ Նովոստին:
