Օգտատերերը հայտնում են Թվիթերի աշխատանքի խափանման մասին
Տարբեր երկրներում, այդ թվում՝ Ռուսաստանում օգոստոսի 18-ին օգտատերերը տեղեկացնում են «Թվիթեր» սոցիալական ցանցի աշխատանքների խափանման մասին: Այս մասին հայտնում է ՏԱՍՍ-ը՝ վկայակոչելով Downdetector ծառայության էջը:
«Թվիթերի աշխատանքի հետ կապված խնդիրները դիտարկվում են ուրբաթ օրվանից, Մոսկվայի ժամանակով 05:41-ից»,- ասված է ծառայության հաղորդագրությունում:
Սոցիալական կայքի աշխատանքների խափանման մասին հայտնում են Ռուսաստանի, Արգենտինայի, Բրազիլիայի, Մեծ Բրիտանիայի, Իսպանիայի, Լեհաստանի, ԱՄՆ-ի ու Ճապոնիայի օգտատերերը:
