Թուրքիայի ՊՆ-ն ու ազգային հետախուզության պետը Ռուսաստանում են
Օգոստոսի 17-ի առավոտյան Թուրքիայի պաշտպանության նախարար Հուլուսի Աքարն և Ազգային հետախուզական ծառայության պետ Հաքան Ֆիդանը մեկնել են Մոսկվա։
Թուրք պաշտոնյաները հանդիպել են Ռուսաստանի պաշտպանության նախարար Սերգեյ Շոյգուի և ռուս այլ պաշտոնյաների հետ։
Ինչպես տեղեկացնում է Ռուսաստանի պաշտպանության նախարարությունը, հանդիպմանը քննարկվել է Սիրիայում ռուս-թուրքական համագործակցության հարցը։
Քննարկվել է նաև փախստականներին՝ իրենց տներ վերադարձնելու հարցը։ Նշվում է, որ հանդիպումն անցել է կառուցողական մթնոլորտում։
