Թուրքիան արդիականացված տանկեր է կուտակել Սիրիայի սահմանին
Թուրքիայի զինված ուժերը Սիրիայի հետ սահմանին արդիականացված մարտական տեխնիկա է կուտակում: Այս մասին հայտնում է ՏԱՍՍ-ը՝ վկայակոչելով Milliyet պարբերականը:
Պարբերականի տվյալներով՝ թուրքական «Ասելսան» ընկերության կողմից արդիականացված մեծ քանակով M60T մոդելի տանկեր են բեռնատար մեքենաներով տեղափոխվել Անթաքյա նահանգ:
Սպասվում է, որ մարտական մեքենաները հետագայում կտեղակայվեն թուրք-սիրիական սահմանին:
