«Ես ցանկանում եմ, որ տրանսֆերային պատուհանը շուտ փակվի: Անհրաժեշտ է հասկանալ, թե ում կարող եմ վստահել». Վալվերդե
«Բարսելոնայի» գլխավոր մարզիչ Էռնեստո Վալվերդեն հայտարարել է, որ նոր մրցաշրջանում հարձակվող Լիոնել Մեսսին կարող է խաղալ մի քանի դիրքերում:
«Ես ուրախ եմ, որ Ռաֆինյան մեզ հետ է: Նա լավ է խաղում, բայց մինչև օգոստոսի 31-ն ամեն ինչ հնարավոր է: Ես ցանկանում եմ, որ տրանսֆերային պատուհանը շուտ փակվի: Անհրաժեշտ է հասկանալ, թե ում կարող եմ վստահել:
Գուցե մենք կունենանք այլընտրանքային տարբերակներ Մեսսիի դիրքի վերաբերյալ: Եթե մրցակիցը չիմանա, թե որտեղ է Լեոն խաղալու, կարծում եմ, դա մեզ համար առավելություն կլինի:
Մեսսիի անվան շուրջ միշտ շատ աղմուկ կա, բայց մենք փորձում ենք լավ մթնոլորտ ստեղծել, որպեսզի նա զարգացնի իր տաղանդը: Մալկոնը լավ խաղաց երկու կողմերում, և նա լավ հարված ունի, ինչպես Դեմբելեն»,- ասել է Վալվերդը:
Սիրարփի Աղաբաբյան
