Մարկիզիոն հեռացավ «Յուվենթուսից». նա ակումբում էր 25 տարի
Կիսապաշտպան Կլաուդիո Մարկիզիոն հեռացավ «Յուվենթուսից»: Ֆուտբոլիստն ու ակումբը պայմանագիրը խզել են երկկողմանի համաձայնությամբ:
32-ամյա կիսապաշտպանը թուրինյան ակումբի սան է: Նա թիմում անցկացրել է 25 տարի:
Թուրինցիների ակադեմիային Մարկիզիոն միացել էր 1993 թվականին: 2004/05 և 2005/06 մրցաշրջաններում նա սկսել է մարզվել առաջին թիմի հետ:
2006 թվականի օգոստոսին Իտալիայի գավաթի շրջանակներում տեղի ունեցավ Մարկիզիոյի դեբյուտային խաղը «Յուվենթուսում»: Բոլոր մրցաշարերում ակումբի 389 խաղերում նա խփել է 37 գոլ:
Յոթ անգամ Մարկիզիոն դարձել է Իտալիայի չեմպիոն, երեք անգամ` գավաթի խաղարկության հաղթող, և ևս չորս անգամ նա թիմի հետ հաղթել է Սուպերգավաթում:
Սիրարփի Աղաբաբյան
