Որպես պատիժ՝ Մեսսիի եղբայրը կդասավանդի ֆուտբոլային դպրոցում
Կատալոնական «Բարսելոնայի» և Արգենտինայի ազգային հավաքականի ավագ Լիոնել Մեսսիի եղբայրը պայմանականորեն դատապարտվել է 2,5 տարվա ազատազրկման:
Մաթիաս Մեսսին պատժվել է ապօրինի զինամթերք պահելու մեղադրանքով: Դատական նիստի արդյունքում պարզ է դարձել, որ Մաթիաս Մեսսին ամսվա ընթացքում 8 ժամ կզբաղվի հասարակական աշխատանքներով: Որոշում է կայացվել, որ նա երեխաներին ֆուտբոլ կդասավանդի ֆուտբոլային դպրոցներից մեկում:
Մաթիաս Մեսսիին մեղադրանք էր առաջադրվել նախորդ տարվա նոյեմբերին, երբ նա վթարի էր ենթարկվել իր սեփական նավով: Ոստիկանները նավի վրա գտել են զինամթերք, որի առկայությունը Մաթիաս Մեսսին չի կարողացել բացատրել:
Սիրարփի Աղաբաբյան
