«ՀՀԿ-ում չեն բացառում Ռոբերտ Քոչարյանի հետ համագործակցությունը»․ Շարմազանով. «Ազատություն»
Հանրապետական կուսակցությունում չեն բացառում համագործակցությունը Ռոբերտ Քոչարյանի հետ: «Ազատություն» ռադիոյանաի փոխանցմամբ՝ այսպիսի հայտարարություն է արել Ազգային ժողովի հանրապետական փոխնախագահ Էդաուրդ Շարմազանովը:
Կուսակցության մամուլի խոսնակը, միաժամանակ, ընդգծել է՝ ներկայացում է իր տեսակետը, և Քոչարյանի հետ համագործակցության հարցը ՀՀԿ-ում չեն քննարկել: –
«Աշխարհաքաղաքական և արժեքային համակարգի առումով, այո՛, մենք կարող ենք նաև համագործակցել երկրորդ նախագահի հետ և ոչ միայն երկրորդ նախագահի հետ․ տարբեր քաղաքական ուժերի հետ։ Բայց դա ոչ թե լինելու է ընդդեմ հեղափոխության, ինչպես ցանկանում են դա ներկայացնել, այլ դա պետք է լինի հանուն Հայաստանի Հանրապետության, Արցախի Հանրապետության անվտանգության: Բայց սա իմ մասնավոր տեսակետն է: Մենք պաշտոնապես քննարկում չենք արել: Ես տեսականորեն՝ իմ կարծիքը արտահայտեցի»:
