ԱՄՆ-ը ծրագրում է Սև ծովում ավելի հաճախ վարժանքներ անցկացնել Ուկրաինայի և Վրաստանի մասնակցությամբ
ԱՄՆ-ի իշխանությունները քննարկում են Սեւ ծովում Ուկրաինայի եւ Վրաստանի մասնակցությամբ ավելի հաճախ զորավարժություններ անցկացնելու հնարավորությունը՝ «տարածաշրջանում Ռուսաստանի ազդեցության հակազդման» շրջանակներում:
Համապատասխան դրույթը բովանդակում է ԱՄՆ-ի ռազմական կարիքների համար հատկացումների մասին օրենքը, որն օգոստոսի 13-ին ստորագրել է նախագահ Դոնալդ Թրամփը:
Փաստաթղթի տեքստում ասված է, որ Պենտագոնի ղեկավարը, պետքարտուղարը եւ Եվրոպայում ՆԱՏՕ-ի միացյալ զինված ուժերի գլխավոր հրամանատարը պետք է մշակեն եւ իրականացեն Եվրոպայում դաշնակիցներին եւ գործընկերներին աջակցություն ցույց տալու ռազմավարություն, որոնք «գտնվում են ռուսական ագրեսիայի սպառնալիքի ներքո»: ԱՄՆ-ի նոր պաշտպանական բյուջեն նախատեսում է 716 միլիարդ դոլարի հատկացում Պենտագոնին, հաղորդել է ՏԱՍՍ-ը:
