««Մանչեսթեր Սիթիում» այլևս փող չկա, որ կարող ենք ծախսել». Գվարդիոլա
«Մանչեսթեր Սիթիի» գլխավոր մարզիչ Պեպ Գվարդիոլան հայտարարել է, որ ակումբը չի կարող մեծ գումարներ ծախսել տրանսֆերների վրա:
«Երկու մրցաշրջանում թիմը ցույց տվեց, որ կարող է վստահ լինել: Այնպես որ, մենք վստահ ենք, որ մենք ունենք լավ կազմ:
Նախորդ մրցաշրջանում ես բազմիցս ասել եմ, որ ամեն մրցաշրջանում մենք չենք կարող շատ գումարներ ծախսել:
Այնուամենայնիվ, մենք ծախսեցինք այնքան, որքան մեզ պետք էր: Մենք ունեինք յոթ կամ ութ խաղացողներ, որոնք պետք է փոխարինվեին:
Ես շատ գոհ եմ թիմից: Նախորդ մրցաշրջանում ասացի, որ հնարավոր է մեկ կամ երկու տրանսֆեր, սակայն մենք այլևս գումար չունենք: Դա այդպես է: «Մանչեսթեր Սիթիում» այլևս փող չկա, որ կարող ենք ծախսել:
Մենք չենք կարող ավելին ծախսել, քան արդեն ծախսել ենք աս մրցաշրջանում: Հավանաբար, հաջորդ մրցաշրջանում մենք ավելի ակտիվ կլինենք:
Սակայն, մենք շատ մեծ գումարներ ենք ծախսել երիտասարդ ֆուտբոլիստների վրա, ովքեր կխաղան մյուս մրցաշրջանից:
Տրանսֆերային շուկան մնում է խելահեղ: Անցյալ երեք կամ չորս շաբաթներն անհավանական էին:
Մենք չէինք ակնկալում, որ դարպասապահների համար այդքան գումար կվճարվեր, բայց ամեն ինչ տեսնում եք ինքներդ: Ակումբները ծախսեցին այնքան, որքան մենք նախորդ մրցաշրջանում»,- ասել է Գվարդիոլան:
Սիրարփի Աղաբաբյան
