«Այդ մարդիկ բանտում են հայտնվելու, ես ձեզ խոստանում եմ». Նիկոլ Փաշինյան
«Այն մարդիկ, ովքեր Հաղարծինը սարքել են ապօրինի ծառահատումների մայրաքաղաք, այդ մարդիկ, եթե խելքները գլուխները չհավաքեն, իրենք էլ են բանտում հայտնվելու, ես ձեզ խոստանում եմ։ Հաղարծինը պետք է դառնա ստեղծագործ նոր Հայաստանի սիմվոլը»,- այսօր Հաղարծինում այս մասին հայտարարեց ՀՀ վարչապետ Նիկոլ Փաշինյանը։
Նա նաև նշեց, որ Հայաստանում 10 հազար դրամով առաջնորդվող քաղաքացու ժամանակն ավարտվել է. «Ով կփորձի ժողովրդին նվաստացնել ընտրակաշառքով, նրա տեղը բանտում է, ես ձեզ երաշխավորում եմ»։
Ելույթից հետո վարչապետը մասնակցեց «Հաղարծինի շաբաթի» շրջանակներում կազմակերպված տոնախմբությանը, գնումներ կատարեց տաղավարներից։
