Հայ արիները Արմաղան լեռան գագաթին նշել են Նավասարդը
Հայ Արիական Միաբանության, ՀԱՄ «Արցախյան պատերազմի մասնակիցների» խորհրդի ու Հայ Ազգայնականների Համախմբման անդամները Գեղարքունիքի մարզի Արմաղան լեռան գագաթին օգոստոսի 11-ին նշում են Նավասարդը:
Առավոտ ծեգին ՀԱՄ Հոգեւոր հանձնախմբի քրմական դասի ներկայացուցիչները Նավասարդի ավանդական տոնը սկսել են ծեսով: Ծեսից հետո քրմերը ներկաներին նուշով ու մեղրով կաթ եւ գարու ու տարեկանի բոքոններ են հյուրասիրել: Ապա ՀԱՄ «Արցախյան պատերազմի մասնակիցների» խորհուրդը ցուցադրական զորախաղ է անցկացրել, որը մեկնարկել է ավանդական հայկական կոխով: Երեկոյան խումբը կիջնի Սեւանա լճի ափ՝ շարունակելու տոնական օրը:
