«Բարսելոնան» կստորագրի Ֆրենկի դե Յոնգին, եթե «Այաքսը» չխաղա ՉԼ-ում

«Այաքսի» կիսապաշտպան Ֆրենկի դե Յոնգը կարող է դառնալ «Բարսելոնայի» խաղացող:

Sport.es-ի փոխանցմամբ՝ հոլանդական ակումբի տեխնիկական տնօրեն Մարկ Ուորմարսը համաձայնեցրել է 21-ամյա ֆուտբոլիստի տեղափոխությունը «Բարսելոնայի» հետ:

Գործարքի ճակատագիրը կախված է Չեմպիոնների լիգայում «Այաքսի» հաջողությունից: Եթե ​​ակումբը չխաղա մրցաշարի խմբային փուլում, ապա դե Յոնգը կտեղափոխվի կատալոնական ակումբ: Տեղափոխման գումարը 50 մլն եվրո է:

Եթե ​​հոլանդացիները խաղան խմբային փուլում, ապա տեղափոխությունը կհետաձգվի մինչև 2019/2020 մրցաշրջանը:

Դե Յոնգի ներկայիս պայմանագիրն «Այաքսի» հետ մինչև 2022 թվականն է:

Չեմպիոնների լիգայի որակավորման փուլում «Այաքսը» խաղում է «Ստանդարտի» հետ: Առաջին հանդիպումը Բելգիայում ավարտվել 2:2 հաշվով:

Սիրարփի Աղաբաբյան