«Բարսելոնայի» երկու ֆուտբոլիստ՝ «Էվերթոնի» կազմում
«Բարսելոնայի» պաշտպան Յերրի Մինան և կիսապաշտպան Անդրե Գոմեշը տեղափոխվել են անգլիական «Էվերթոն»:
23-ամյա կոլումբիացու համար անգլիացիները կվճարեն 30,25 մլն եվրո, ինչպես նաև 1,5 մլն եվրո բոնուս: Պայմանագրում կա կետ, ըստ որի՝ կատալոնական ակումբը կարող է հետ գնել իր խաղացողին:
«Էվերթոնի» կազմում վարձավճարով հանդես կգա նաև Անդրե Գոմեշը: Մեկ տարի վարձավճարով հանդես գալու համար անգլիական ակումբը «Բարսելոնային» է փոխանցելու 2.25 մլն եվրո:
«Բարսելոնայի» պաշտպան Յերրի Մինան ավելի վաղ նշել էր, որ շատ է ցանկանում մնալ կատալոնական ակումբում՝ չնայած քիչ խաղաժամանակ է ստանում:
«Ես պատկերացում չունեմ, թե ինչ է սպասում ինձ ապագայում, բայց ես հանգիստ եմ: Ես 23 տարեկան եմ, դեռ շատ ժամանակ ունեմ:
Ես գիտեմ, որ «Բարսելոնայում» իմ դիրքում խաղացող շատ լավ ֆուտբոլիստներ կան, բայց ես ցանկանում էի որոշ խաղաժամանակ ստանալ և ապացուցել, որ կարող եմ, բայց այդպես չեղավ»,- ասել է Մինան:
Սիրարփի Աղաբաբյան
