Կուրտուայի տրանսֆերին մնացել է մեկ քայլ
«Չելսիի» դարպասապահ Տիբո Կուրտուան մոտ ապագայում կդառնա «Ռեալ Մադրիդի» խաղացող:
Թագավորական ակումբում ակնկալում են, որ բելգիացին հինգշաբթի կժամանի Մադրիդ՝ գործարքն ավարտին հասցնելու համար:
Ավելի վաղ հաղորդվել էր, որ գործարքը կներառի կիսապաշտպան Մատեո Կովաչիչին: Վերջինս տեղափոխվելու է «Չելսի» վարձավճարային հիմունքներով՝ դառնալով Տիբո Կուրտուայի գործարքի մի մասը:
Բելգիացի ֆուտբոլիստը մադրիդյան ակումբ տեղափոխվելու համար բոյկոտում էր լոնդոնյան ակումբի մարզումները:
Սիրարփի Աղաբաբյան
