«Ռեալը» ծրագրում է գնել Տիագոյին կամ Պիանիչին

Մադրիդի «Ռեալը» կիսապաշտպան Կովաչիչին փոխարինելու համար դիտարկում է  մի քանի թեկնածուների:

Խորվաթը,  ամենայն հավանականությամբ, շուտով տեղափոխվելու է «Չելսի»  վարձավճարային հիմունքներով՝  դառնալով Տիբե Կուրտուայի գործարքի մի մասը:

Մադրիդյան ակումբի հետաքրքրությունների շրջանակում է  «Բավարիայի» կիսապաշտպան Տիագո Ալկանտարան, ինչպես նաև «Յուվենթուսի» ֆուտբոլիստ Պիանիչը:

«Սերուցքայինների» գլխավոր մարզիչ Խուլեն Լոպետեգին լավ ծանոթ է  Տիագոյին, քանի որ աշխատել է նրա հետ Իսպանիայի հավաքականում: «Բավարիայի» հետ ֆուտբոլիստն ունի պայմանագիր  մինչև 2021 թվականը, սակայն ֆուտբոլիստը ցանկանում է վերադառնալ իսպանական Պրեմիերա, որտեղ ավելի վաղ խաղացել է «Բարսելոնայի» կազմում:

Մյունխենյան ակումբը 27-ամյա ֆուտբոլիստի համար պահանջում է  60 մլն եվրո, սակայն այս գինը կարող է իջնել, եթե մադրիդյան ակումբը գերմանական ակումբին վաճառի նաև Խամես Ռոդրիգեսին, ով այժմ հանդես է գալիս վարձավճարով:

Ավելի վաղ նշվում էր, որ Տիագո Ալկանտարան ցանկանում է վերադառնալ կատալոնական «Բարսելոնա»:

Կատալոնական ակումբի գլխավոր մարզիչ Էռնեստո Վալվերդեն ցանկանում է վերադարձնել Ալկանտարային՝ որպես Անդրես Ինիեստայի փոխարինող:

Իսպանական մամուլը գրում է, որ ի տարբերություն Վալվերդեի՝  Մադրիդի «Ռեալի» նոր գլխավոր մարզիչ Խուլեն Լոպետեգին ցանկանում է ձեռք բերել Ալկանտարային և նրան դարձնել թիմի կենտրոնական դեմքերից մեկը:

Ըստ իսպանական մամուլի՝ կատալոնական ակումբի առաջատարները դիմել են թիմի նախագահ Բարտոմեուին՝ խնդրելով վերադարձնել Ալկանտարային:

Ինչ վերաբերում է Պիանիչին, ապա  «Ռեալը» ցանկանում է ստորագրել նրան 80 միլիոն եվրոյից քիչ գումարով:

Սիրարփի Աղաբաբյան