Երկու կին վրաերթի են ենթարկվել Արամի և Սարյան փողոցների խաչմերուկում

Երևանի Արամի և Սարյան փողոցների խաչմերուկում «Օպել» մակնիշի ավտոմեքենայի վարորդը օգոստոսի 7-ին ժամը 14:00-ին վրաերթի է ենթարկել 69-ամյա եւ 41-ամյա երկու կանանց, ովքեր մարմնական վնասվածքներով տեղափոխվել են հիվանդանոց:

Այս մասին տեղեկացրին ՀՀ ոստիկանության հասարակայնության հետ կապի և լրատվության վարչությունից:

Դեպքի առթիվ կատարվում է քննություն։

Լրատվամիջոցներում տարածված որոշ տեղեկությունների համաձայն` վրաերթի ենթարկվածները ՀՀ կառավարության աշխատակազմի աշխատակիցներ են: