Թուրքական կայքն անդրադարձել է Տիգրանակերտում իրականացվող պեղումներին
Հնագիտության մասին նյութեր հրապարակող թուրքական կայքը անդրադարձել է Արցախի տարածքում Տիգրանակերտի շրջակայքում շարունակվող պեղումներին։
Թուրքական լրատվամիջոցն դրանք ներկայացրել է որպես Ադրբեջանի «օկուպացված տարածքներում» իրականացվող պեղումներ։
Պեղումների վերաբերյալ իր մեկնաբանությունն է արել Ղարաբաղի հնագիտական արշավախմբի ղեկավար Համլետ Պետրոսյանը։ Ըստ նրա՝ վերջերս հայտնաբերվել են մ.թ.ա 1-ին դարի կարասային գերեզմաններ։ Նրա խոսքերով թեև նախկինում (2011-2012թթ) էլ են տարածքում կարասային գերեզմաններ հայտնաբերվել, բայց դրանք այդքան մեծ չեն, որքան նոր հայտնաբերվածները։
Պետրոսյանի տեղեկացմամբ՝ հայտնաբերվել են նաև անտիկ շրջանի արծաթե տարբեր զարդեր, ինչպես նաև մետաղադրամներ։
