Օբաման Քենեդիի անվան մրցանակ է ստացել
ԱՄՆ նախկին նախագահ Բարաք Օբաման ստացել է մարդու իրավունքների պաշտպանության ոլորտում Ռոբերտ Ֆ. Քենեդիի անվան մրցանակ: Այդ մասին տեղեկացնում է կազմակերպության պաշտոնական կայքը:
Մրցանակը ստացել են նաև Discovery հեռուստաընկերության ղեկավար Դևիդ Զասլավը, առողջապահական ապահովագրության ոլորտում գործունեություն ծավալող Humana ընկերության նախագահ Բրյուս Բրուսարդը և Նյու Ջերսի նահանգի նահանգապետ Ֆիլ Մերֆին:
Ավելի վաղ այս մրցանակին արժանացել են նաև ԱՄՆ նախկին նախագահ Բիլ Քլինթոնը և նրա կինը՝ նախկին պետքարտուղար Հիլարի Քլինթոնը, նախկին փոխնախագահ Ջո Բայդենը և դերասան Ռոբերտ Դե Նիրոն:
