Գեղեցկության թագուհին հրաժարվել է թագից հանուն շնաձկով տատուի
![](https://168.am/wp-content/uploads/2018/08/942901.jpg)
Միացյալ Նահանգների Կալիֆոռնիայի նահանգի Ֆելան քաղաքում գեղեցկության թագուհին տիտղոսից հրաժարվել է, որպեսզի տատուն չթաքցնելու իրավունք ունենա: Այդ մասին հայտնել է Associated Press-ը:
Սիերա Լեյդեն գեղեցկության մրցույթում հաղթել է 17 տարեկանում: Այն ժամանակ նա տատուներ չուներ, բայց չափահաս դառնալուց հետո նրա նախաբազկին հայտնվեց շնաձկան պատկեր, իսկ ուսին աղջիկը ծաղիկներ էր դաջել: Ֆելան քաղաքի առեւտրի պալատը պահանջել էր, որ աղջիկը տատուները թաքցնի պաշտոնական միջոցառումների ժամանակ, երբ նրա գլխին թագն է եւ գեղեցկության մրցույթի լանջագոտին:
Սիերա Լեյդեն նախընտրել է պայմանագիրը չստորագրել եւ հրաժարվել Էէ տիտղոսից: «Ես չեմ կարծում, որ տատուները հարկավոր է քողարկել, քանի որ այժմ դրանք միանգամայն նորմալ են»,-հայտարարել է նա: