Պոգբան դժգոհ է «Յունայթեդում» իր կարգավիճակից՝ Մոուրինիոյի քննադատության պատճառով
«Մանչեսթեր Յունայթեդի» կիսապաշտպան Պոլ Պոգբան դժգոհ է թիմում իր կարգավիճակից և համարում է, որ քննադատություններն իր հասցեին անհիմն են:
25-ամյա կիսապաշտպանը պատրաստ է դիտարկել «Բարսելոնա» կամ «Յուվենթուս» տեղափոխվելու հնարավոր տարբերակները, եթե այդ ակումբներն առաջարկներ անեն մինչև տրանսֆերային պատուհանի ավարտը: Այս մասին հայտնում է ESPN- ը:
Ֆրանսիացուն դուր չեն եկել «Մանչեսթեր Յունայթեդի» գլխավոր մարզիչ Ժոզե Մոուրինիոյի մեկնաբանությունները: Մոուրինիոն նշել էր, որ իրեն դուր չի գալիս այն փաստը, որ Աշխարհի գավաթի խաղարկությունում Պոգբան ավելի լավ էր խաղում, քան ակումբի կազմում:
Չնայած ֆուտբոլիստի դժգոհություններին՝ անգլիական ակումբի ղեկավարությունը հստակ որոշել է, որ չի վաճառելու նրան:
Սիրարփի Աղաբաբյան
