Wildside-ը փնտրում է հայերի, ովքեր կցանկանան նկարահանվել Պաոլո Սորրենտինոյի «Նոր պապը» սերիալում
Wildside արտադրական կազմակերպությունը փնտրում է հայերի, ովքեր կցանկանան նկարահանվել Պաոլո Սորրենտինոյի «Նոր պապը» (The New Pope) հեռուստատեսային սերիալի նոր էպիզոդներում: Աս մասին տեղեկանում ենք երևանյան «Ոսկե ծիրան» միջազգային կինոփառատոնի պաշտոնական ֆեյսբուքյան էջից:
Ըստ հայտարարության՝ կարող են դիմել ցանկացած տարիքի կանայք, տղամարդիկ և երեխաներ, իսկ աշխատանքային փորձը պարտադիր չէ: Ներկայումս կազմակերպությունը հավաքում է հետաքրքրված թեկնածուների նկարները, իսկ ընտրվելու դեպքում տվյալ անձինք կհրավիրվեն հարցազրույցի:
Նկարահանումները տեղի են ունենալու Հռոմում, 2018թ. նոյեմբերին: Դիմելու համար անհրաժեշտ է նկարներն ուղարկել [email protected] էլեկտրոնային հասցեին:
«Wildside արտադրական կազմակերպությունը կապվել է «Ոսկե ծիրանի» հետ` խնդրելով տարածել հետևյալ տեղեկությունը: Փառատոնը հավաքելու է հավաքված նկարները և ուղարկելու է կազմակերպությանը, և չի մասնակցելու ընտրության գործընթացին: Ներքևում նշված հայտարարության տեքստը հիմնված է Wildside-ի ուղարկած նամակի վրա, որը չի պարունակում որևէ տեղեկություն նկարների քանակի կամ տեսակի վերաբերյալ: Մենք առաջարկում ենք ուղարկել 4-5 նկար, այդ թվում մեկ դիմանկար: Խնդրում ենք նկարներն ուղարկելիս, վերնագրում նշել անուն ազգանուն: photos for The New Pop: Ընտրված մասնակիցների հետ կկապվեն Wildside կազմակերպության ներկայացուցիչները: Կազմակերպությունը չի հոգալու մասնակիցների ճանապարհորդության և կեցության ծախսերը»,-նշված է հայտարարությանը կից տեքստում:
Լուսանկարներն ուղարկելու վերջնաժամկետն է օգոստոսի 15-ը:
