Կալիֆոռնիայում անտառային հրդեհն ավելի քան 1148 քառ. կմ տարածք է ճարակել և դարձել ռեկորդային
Կալիֆոռնիայում մոլեգնող անտառային հրդեհի տարածքը գերազանցել է 1148 քառակուսի կիլոմետրը, այն խոշորագույնն է դարձել ամերիկյան այդ նահանգի արդի պատմության մեջ: Այդ մասին օգոստոսի 6-ին հայտնել է NBC հեռուստաալիքը: Հրդեհը, որի մասին խոսվում է, մոլեգնում է արդեն ավելի քան մեկ շաբաթ. կրակն զգալի տարածք է ճարակել Քոլուզայի, Լեյքի եւ Մենդոսինոյի օկրուգներում:
Կրակը ոչնչացրել է շուրջ 75 բնակելի շենք, գրեթե նույնքան էլ այլ շինություններ, այն նաեւ սպառնում է 11 հազարից ավելի կառույցների: Հրդեհը հաջողվել էտեղափակել միայն 30 տոկոսով: Մինչ այդ Կալիֆոռնիայում ամենախոշոր հրդեհը համարվում էր անցած տարվա դեկտեմբերի 4-ին Վենտուրայի օկրուգում ծագած հրդեհը, որն ստացել էր «Թոմաս» անվանումը: Դրա առավելագույն տարածքը կազմել է 1140,8 քառ. կմ:
Այն ժամանակ տարերքի զոհ դարձավ երկու մարդ, ոչնչացավ ավելի քան հազար տուն: «Թոմասի» պատճառած վնասը կազմեց մոտավորապես 150 մլն դոլար: Կալիֆոռնիայում ներկայում մոլեգնում են տասնյակ անտառային հրդեհներ: Դրանց դեմ պայքարում է ավելի քան 14 հազար հրշեջ: Ընդամենը աղետի գոտուց տարհանվել է մի քանի տասնյակ հազար մարդ, հաղորդել է ՏԱՍՍ-ը:
