Վրաստանի նախագահը ներում շնորհեց 83 դատապարտյալների
Վրաստանի նախագահ Գիորգի Մարգվելաշվիլին հրապարակել է համաներման հերթական ակտը, որը վերաբերել է 83 դատապարտյալների: Այդ մասին հայտնել է կալանավորների համաներման պետական հանձնաժողովի նախագահ Զվիադ Քորիձեն: Վրաստանի բանտերն օգոստոսի 2-ին լքել են 40 դատապարտյալներ, որոնցից մեկը կին է:
Ինչ վերաբերում է մնացած 43 դատապարտյալներին, ապա կրճատվել են նրանց պատժաժամկետները: Նրանց թվում է երկու կին, մեկ անչափահաս, ինչպես նաեւ անժամկետ կալանքի դատապարտված մեկը, որի համար նախագահը ազատման կոնկրետ ժամկետ է սահմանել:
Ընդամենը համաներման հանձնաժողովը հուլիսին քննել է 976 դատապարտյալների գործեր, հաղորդել է Sputnik-ը:
