««Բավարիան» երբեք չէր ծախսի 117 մլն եվրո 33-ամյա ֆուտբոլիստի համար». Ռումենիգե
«Բավարիայի» նախագահ Կարլ-Հայնց Ռումենիգեն հայտարարել է, որ իր ակումբը չէր ստորագրի թանկարժեք, տարեց ֆուտբոլիստի:
«Եթե ֆուտբոլիստների գներն աճում են, ապա դրանում մեղավոր են ՊՍԺ-ն և «Մանչեսթեր Սիթին»: Ուղղակի նայեք, թե վերջին տարիներին ինչի է հասել «Ռեալը», չնայած նրանք գործնականում փող չեն ծախսել: Չեմպիոնների լիգան հաղթելու համար պետք չէ ընկնել խելագարության մեջ: Մենք կիսում ենք այդ փիլիսոփայությունը:
Ռոնալդո՞ւն: Ես զարմացած էի, երբ Անդրեա Անիելին գնաց այդ գործարքին, բայց«Յուվենթուսի» տեսակետից այդտեղ իմաստ կա: Վերջին տարիներին իտալական ֆուտբոլը կորցրել է դիրքերը, բայց «Բավարիան» երբեք չէր ծախսի այդքան գումար 33-ամյա ֆուտբոլիստի վրա»,- Ռումենիգեին է մեջբերում Football Italia-ն:
«Յուվեն» վճարեց Ռոնալդուի համար 117 մլն եվրո:
«Բավարիայի» պատմության ամենաթանկ տրանսֆերը Տոլիսոյի ձեռքբերումն էր «Լիոնից» 41.5 մլն եվրոյով:
Պատրաստեց Անի Գաբուզյանը
