Համացանցում հայտնվել են iPhone-ի նոր մոդելի լուսանկարները

Լատվիացի դիզայներ Վենիամին Գեսկինը Twitter-ում ցուցադրել է լուսանկարներ, որոնցում, ենթադրաբար, պատկերված է iPhone-ի նոր մոդելը: Լուսանկարներում ցուցադրված են iPhone X Plus-ի մակետները՝ 6,5-դյույմանոց էկրանով եւ iPhone՝ 6,1 դյույմ դիսփլեյով:

Դիզայների ցուցադրած նախատիպերը նման են նախորդ տարբերակների կոնցեպտներին, որոնք, ինչպես պնդում են, պատրաստվել են նորույթի գծագրերի «վերջնական տարբերակի» հիման վրա:

Դատելով ըստ լուսանկարների՝ հեռախոսի Plus-տարբերակում կլինի կրկնակի խցիկ, մինչդեռ հին մոդելում կա ընդամենը մեկը: Բացի դրանից, նախատիպերում բացակայում են մատնադրոշմների սքաներները: Վենիամինն Գեսկինը գաջեթների ռենդերներ է նկարում IT-շուկայի ապագա նորույթների վերաբերյալ զանազան տեղեկություններով:

Այսպես, դիզայներն առաջինն է ցուցադրել iPhone X-ի՝ բնօրինակին առավելագույնս մոտ նախատիպը: Սպասվում է, որ Apple ընկերությունն իր սմարթֆոնի նոր մոդելը կներկայացնի սեպտեմբերին, հաղորդել է ՌԻԱ Նովոստին:

2018 iPhone X Plus (6.5-inch) and iPhone (6.1-inch) Dummy Models. pic.twitter.com/QrgkT6u0vS

— Ben Geskin (@BenGeskin) July 29, 2018