«Հավատում եմ, որ ինձ հաջող մրցաշրջան է սպասվում». Հենրիխ Մխիթարյան
«Արսենալի» կիսապաշտպան Հենրիխ Մխիթարյանը հույս ունի, որ կայանալիք մրցաշրջանն իր համար հաջող կլինի:
«Հնարավոր է՝ դուք էլ երբեք չտեսնեք Մխիթարյանին, ով «Բորուսիայում» էր, քանի որ հիմա ես պաշտպանում եմ «Արսենալի» գույները: Սա ակումբ է, որն այլ փիլիսոփայություն ունի: Իհարկե, ես կանեմ ամեն ինչ, որպեսզի հաջող մրցաշրջան անցկացնեմ: Կաշխատեմ որքան հնարավոր է շատ գոլեր խփել և ավելի շատ գոլային փոխանցումներ կատարել, քանի որ դա շատ կարևոր է թիմի համար: Ես ջանադրաբար աշխատում եմ և հավատում եմ, որ ինձ հաջող մրցաշրջան է սպասվում»,- Մխիթարյանի խոսքերն է մեջբերում Goal-ը:
29-ամյա ֆուտբոլիստը տեղափոխվեց «Արսենալ» 2018թ. հունվարին՝ հեռանալով «Մանչեսթեր Յունայթեդի» շարքերից:
Պատրաստեց Անի Գաբուզյանը
