Մարաշի զինված խմբի գործով նիստը հետաձգվեց. ամբաստանյալները հրաժարվում են լքել նիստերի դահլիճը

Երևան քաղաքի ընդհանուր իրավասության դատարանում Մարաշի զինված խմբի գործով այսօրվա դատական նիստը հետաձգվեց:

Նախագահող դատավոր Արմեն Բեկթաշյանը նիստը հետաձգեց հանրային պաշտպաններից մեկի բացակայության պատճառով:

Հաջորդ դատական նիստը նշանակվեց օգոստոսի 24-ին:

Ամբաստանյալ Հարություն Սարիբեկյանի պաշտպան Նարինե Ռշտունին իր ֆեյսբուքյան էջում գրառել է, որ նախագահող դատավորը դատական նիստը հետաձգելու և հաջորդ նիստը նշանակելու վերաբերյալ դատավարության մասնակիցների, այդ թվում նաև՝ պաշտպանների կարծիքը չի հարցրել:

Այս իրավիճակում՝ գործով ամբաստանյալները հրաժարվում են լքել դատական նիստերի դահլիճը:

Աղբյուր` Փաստինֆո