««Լիվերպուլն» իր պատմությամբ միշտ կլինի չեմպիոնության հավակնորդ». Գվարդիոլա
«Մանչեսթեր Սիթիի» գլխավոր մարզիչ Պեպ Գվարդիոլան կարծիք է հայտնել ԱՊԼ-ի նոր մրցաշրջանում հաղթանակի համար սպասվելիք պայքարի մասին:
«Անգլիայի չեմպիոնի տիտղոսի հավակնորդնե՞րը: Այդպիսի թիմերը շատ են, և մենք դրանցից մեկն ենք: «Լիվերպուլը» նույնպես չեմպիոնության հավակնորդ է: Իրենց հիասքանչ պատմությամբ նրանք միշտ կլինեն հաղթանակի համար պայքարում ֆավորիտների մեջ»,- Գվարդիոլային է մեջբերում Sky Sports-ը:
Նախորդ մրցաշրջանի արդյունքներով «Մանչեսթեր Սիթին» նվաճեց ԱՊԼ-ի ոսկե մեդալները՝ հավաքելով 100 միավոր: «Լիվերպուլը» գրավեց 4-րդ տեղը և հետ մնաց «քաղաքայիններից» 25 միավորով:
2-րդ և 3-րդ տեղերը գրավեցին, համապատասխանաբար՝ «Մանչեսթեր Յունայթեդը» և «Տոտենհեմը»:
Պատրաստեց Անի Գաբուզյանը
