««Ոսկե գնդակի» ֆավորիտների թվում կնշեմ Ռոնալդուին, Մոդրիչին, Վարանին, Նեյմարին և ինձ». Կիլիան Մբապե
Համեստ չէ, բայց արդար է: ՊՍԺ-ի և Ֆրանսիայի հավաքականի հարձակվող Կիլիան Մբապեն նշել է «Ոսկե գնդակի» հավակնորդներին:
«Անպայման կնշեմ Ռոնալդուին: Ֆավորիտների թվում կնշեմ նաև Մոդրիչին, Վարանին, ով հաղթեց ամեն ինչ, և Նեյմարին: Բրազիլացին լավ Աշխարհի առաջնություն անցկացրեց, և մարդիկ չպետք է կենտրոնանան նրա սիմուլյացիաների վրա:
Հինգերորդը կնշեմ ինձ: Այս տարի գլխավոր դերը կխաղա Աշխարհի առաջնությունը, չէ՞ որ դա գլխավոր մրցաշարն է ֆուտբոլում»,- Մբապեին է մեջբերում France Football-ը:
19-ամյա Կիլիանը ԱԱ-2018-ում դարձավ 4 գոլի հեղինակ:
Ֆրանսիան հաղթեց ԱԱ-ն, իսկ Մբապեն դարձավ մրցաշարի լավագույն երիտասարդ ֆուտբոլիստը:
Պատրաստեց Անի Գաբուզյանը
