Փրկարարները ծառը հեռացրել են ավտոճանապարհի երթևեկելի հատվածից
Հուլիսի 23-ին, ժամը 16:14-ին «911» ծառայությանն ահազանգ է ստացվել, որ Մ-4 ավտոճանապարհի Իջևան-Դիլիջան հատվածում ծառն ընկել է ավտոճանապարհին՝ ճանապարհը դարձել է միակողմանի երթևեկելի. ծառը ճանապարհից հեռացնելու համար անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները Իջևան-Դիլիջան ավտոճանապարհի 17-րդ կմ-ին ծառը (մոտ 20 մ) հեռացրել են ավտոճանապարհի երթևեկելի հատվածից:
