«Ռոմայի» ղեկավարությունը դիտարկում է Չեխին՝ որպես Ալիսոնի փոխարինող
Ինչպես հաղորդում է The Sun-ը, «Արսենալի» դարպասապահ Պետեր Չեխը կարիերան կարող է շարունակել իտալական Սերիա Ա-ում:
Ըստ պարբերականի տեղեկության՝ «Ռոմայի» ղեկավարությունը դիտարկում է 36-ամյա դարպասապահին՝ որպես Ալիսոն Բեքերի փոխարինող, ով տեղափոխվեց «Լիվերպուլ» ռեկորդային 62.5 մլն եվրոյով:
Ավելի վաղ հաղորդվել էր, որ լոնդոնյան «Չելսին» կարող է գնել Չեխին այն դեպքում, եթե դարպասապահ Տիբո Կուրտուան տեղափոխվեր «Ռեալ»:
Հիշեցնենք, որ հունիսին «Արսենալը» հայտարարեց «Բայերի» դարպասապահ Բերնդ Լենոյի տրանսֆերի մասին: «Զինագործների» կազմում է հանդես գալիս նաև Կոլումբիայի հավաքականի դարպասապահ Դավիդ Օսպինան:
Պատրաստեց Անի Գաբուզյանը
