Մյուլերը նախկին մարմնավաճառին «ռուսական գործով» հարցաքննության է կանչել
CNBC-ը տեղեկացնում է, որ 2016-ի ԱՄՆ նախագահական ընտրություններին Ռուսաստանի միջամտության հետաքննությամբ զբաղվող հատուկ դատախազ Ռոբերթ Մյուլերը հարցաքննել է նախկին մարմնավաճառ Քրիսթին Դևիսին։
Դևիսը նախկինում ազատազրկման է դատապարտվել՝ էլիտար հասարակաց տուն կազմակերպելու համար։ Հեռուստաալիքի տվյալներով՝ նա կապված է քաղաքական խորհրդատու Ռոջեր Սթոունի հետ, որը երկար ժամանակ աշխատել է ԱՄՆ գործող նախագահ Դոնալդ Թրամփի հետ։
Նշվում է, որ Դևիսն իր հարցազրույցներից մեկում ասել է, որ ինքը «ռուսական գործով ոչ մի տեղեկության չի տիրապետում», սակայն հարցաքննության գալ համաձայնել է։
