«Կրիշտիանու Ռոնալդուի տեղափոխությունը կփոխի իտալական ֆուտբոլը». Նեյմար
Հետաքրքրությունն իտալական ֆուտբոլի նկատմամբ մեծանում է: ՊՍԺ-ի հարձակվող Նեյմարը գտնում է, որ Կրիշտիանու Ռոնալդուի տրանսֆերը «Յուվենթուս» կմեծացնի ֆուտբոլասերների հետաքրքրությունը Սերիա Ա-ի նկատմամբ:
«Կրիշտիանուի տեղափոխությունը կփոխի իտալական ֆուտբոլը: Դա նորից կլինի այն Իտալիայի առաջնությունը, որին ես հետևում էի փոքր ժամանակ: Ռոնալդուն մեծագույն ֆուտբոլիստ է: Նա հանճար է և ֆուտբոլի լեգենդ: Ես շատ ուրախ եմ, որ նա նման որոշում կայացրեց: Ես նրան հաջողություն եմ ցանկանում, բայց ոչ ՊՍԺ-ի դեմ խաղերում»,- Նեյմարի խոսքերն է մեջբերում Sky Sports-ը:
Ռոնալդուն «Յուվենթուս» տեղափոխվեց 117 մլն եվրոյով: Սերիա Ա-ի նոր մրցաշրջանը կմեկնարկի օգոստոսի 19-ին:
Պատրաստեց Անի Գաբուզյանը
