«Մեսսին և ես հետաքրքիր մրցակցություն ունեինք: Բայց դա չի կարելի անվանել դիմակայություն». Կրիշտիանու Ռոնալդու
Թուրինի «Յուվենթուսի» հարձակվող Կրիշտիանու Ռոնալդուն խոսել է կատալոնական «Բարսելոնայի» հարձակվող Լիոնել Մեսսիի հետ իր մրցակցության մասին:
«Մեսսիի հետ դիմակայությո՞ւնը: Ես երբեք ոչ մի ֆուտբոլիստի հետ դիմակայություն չեմ ունեցել: Դա էթիկապես ճիշտ չէ: Մենք պարզապես լավ մրցակցություն ունեինք: Ձեզ դուր էր գալիս դա: Դա հետաքրքիր էր: Բայց դա չի կարելի անվանել դիմակայություն:
Նմանատիպ իրավիճակ է լինելու նաև Իտալիայում: «Միլանի» և «Նապոլիի» խաղացողները կպաշտպանեն իրենց ակումբների գույները, և մրցաշրջանի ավարտին մենք կտեսնենք, թե ով է ավելի լավը»,- ասել է Ռոնալդուն:
Սիրարփի Աղաբաբյան
