«Տանն էլ, եթե վերանորոգում ենք սկսում, ընթացքում գումարն ավելանում է»
«Հյուսիս-հարավ ճանապարհային միջանցքը ռազմավարական նշանակություն ունի մեր հանրապետության համար։ Մենք ուզում ենք նոր թափ հաղորդել ծրագրին։ Ոչ ոք հետ չի կանգնելու այս ծրագրից»,- այսօր լրագրողների հետ հանդիպման ժամանակ հայտարարեց ՀՀ տրանսպորտի, կապի և ՏՏ նախարար Աշոտ Հակոբյանը։
Ըստ նրա՝ ծագրի վարկային միջոցներից այսօրվա դրությամբ ծախսվել է
222 մլն դոլար, 4 հատվածների համար ֆինանսավորում դեռ չկա, նախագծային աշխատանքները չեն ավարտվել և «անլուրջ» կլինի ժամկետ նշել, թե ընդհանուր միջանցքի շինարարությունը երբ կավարտվի։
Նա նշեց, որ ծրագրի նախնական արժեքը գնահատվում էր 1 մլրդ դոլար, բայց ակնհայտ է, որ ծրագրի արժեքը կավելանա. «Տանն էլ, եթե վերանորոգում ենք սկսում, ընթացքում գումարն ավելանում է»։
