Ոստիկանության պետը հարգանքի տուրք է մատուցել զոհված ոստիկանների հիշատակին
Ոստիկանության պետ Վալերիյ Օսիպյանն ու ոստիկանության ղեկավար կազմն այցելել են ոստիկանության պարեկապահակետային ծառայության գունդ:
Ինչպես տեղեկացրին ՀՀ ոստիկանության մամուլի ծառայությունից, ոստիկանության պետը, բարձրաստիճան սպաները, գնդի անձնակազմն ու զոհված ոստիկանների հարազատները ծաղիկներ են խոնարհել 2 տարի առաջ ոստիկանության պարեկապահակետային ծառայության գնդում զոհված ոստիկանների հիշատակը հավերժացնող հուշարձանին:
2016 թվականի հուլիսի 17-ին, ոստիկանության պարեկապահակետային ծառայության գունդ ներխուժած խմբի կողմից զոհվել են ոստիկանության գնդապետ Արթուր Վանոյանը, լեյտենանտ Յուրի Տեփանոսյանն ու ավագ ենթասպա Գագիկ Մկրտչյանը:
Հավերժ փառք ծառայողական պարտականությունները կատարելիս զոհված մեր գործընկերների հիշատակին:
