«Լիվերպուլն» առաջարկ կանի Ալիսոնի վերաբերյալ
«Ռոմայի» դարպասապահ Ալիսոն Բեքերը կարող է դառնալ «Լիվերպուլի» ֆուտբոլիստ:
Հաղորդվում է, որ «Լիվերպուլը» պաշտոնական հարցում կկատարի Ալիսոնի տրանսֆերի կապակցությամբ այս շաբաթվա ընթացքում:
Բրազիլիայի հավաքականի դարպասապահը, ըստ շշուկների, կապվում էր անգլիական ակումբի հետ ամբողջ ամառվա ընթացքում, սակայն «Կարմիրների» ղեկավարությունը առաջարկ չէր արել նրա վերաբերյալ: Ըստ Daily Mail-ի տեղեկության՝ «Լիվերպուլը» կառաջարկի 60 մլն եվրո միանգամից և ևս 10 մլն՝ որպես բոնուս:
Ավելի վաղ հաղորդվել էր, որ «Ռոման» արդեն պայմանավորվել է Ալֆոնս Արեոլայի հետ, ով կփոխարինի թիմում Ալիսոնին:
Պատրաստեց Անի Գաբուզյանը
