Բաժիններ՝

Հաղթանակի այգում վանդակի մեջ պահվող կարմիրգրքյան գիշատիչ բվեճին տեղափոխեցին կենդանաբանական այգի

Հաղթանակի այգում վանդակի մեջ պահվող կարմիրգրքյան գիշատիչ բվեճին հուլիսի 13-ին տեղափոխեցին Երևանի կենդանաբանական այգի: «Արմենպրես»-ի հետ զրույցում կենդանաբանական այգուց տեղեկացրին, որ կենդանին մոտ 40 օր կարանտինային շրջան կանցնի, ապա պայմաններ կստեղծվեն թռչնին ցուցադրելու համար: «Բվեճը մոտավոր հաշվարկներով 30-40 տարեկան է: Այդ տեսակի թռչուններն ապրում են մինչև 80 տարի: Թռչունին վնասված են բերել «Հաղթանակի» այգի: Նրա աչքը վնասված է, բայց ընդհանուր առմամբ առույգ է»,-տեղեկացրին այգուց:

Բվեճը ՀՀ Կարմիր գրքի տվյալների համաձայն սակավաթիվ ու խոցելի տեսակ է: Տեսակն ընդգրկված է ԲՊՄՄ Կարմիր ցուցակում «Խոցելի» կարգավիճակով: Թռչունը բնադրում է տարբեր գոտիներում` կիսաանապատից մինչև լեռնային տափաստաններ:

«Հաղթանակ» զբոսայգում վանդակի մեջ պահվող կարմիրգրքյան գիշատիչ թռչնին՝ բվեճին տեղափոխում ենք Կենդանաբանական այգի։Սեփականատերը այն տարածքի, որտեղ պահվում էր բվեճը փաստեց, որ այդ թռչնին իրենց մոտ բերել են աչքն ու թևերը վնավսած վիճակում մոտ 20 տարի առաջ:Իրենք փորձել են գիշատիչ թռչունի համար լավ պայմաններ ստեղծել, բայց դրա համար միան ցանկությունը բավարար չէ: Եթե վայրի թռչունը կամ կենդանին ինչ-ինչ հանգամանքների բերումով վայրի բնությունից հայտնվել է մարդու հոգածության տակ, ապա գոնե մասնագետները պիտի զբաղվեն նրանցով:Ընդհանուր առմամբ՝ թռչունն ակտիվ ու պինդ է երեւում։ Կարանտինի ժամանակահատվածում ամեն ինչ պարզ կդառնա!

Gepostet von Yerevan Zoo am Freitag, 13. Juli 2018

Բաժիններ՝

Տեսանյութեր

Լրահոս