«Երկիր Ծիրանի»-ն առաջադրել է Զարուհի Փոստանջյանի թեկնածությունը
Երևանի ավագանու «Երկիր Ծիրանի» խմբակցությունը, ղեկավարվելով «Երևան քաղաքում տեղական ինքնակառավարման մասին» ՀՀ օրենքի 46-րդ հոդվածի 2-րդ կետի պահանջով, Երևանի քաղաքապետի 2018 թվականի հուլիսի 16-ի արտահերթ ընտրություններում առաջադրել է քաղաքապետի թեկնածու՝ Երևանի ավագանու «Երկիր Ծիրանի» խմբակցության ղեկավար Զարուհի Փոստանջյանին: Այս մասին տեղեկացրին «Երկիր Ծիրանի» կուսակցության լրատվական ծառայությունից:
Երևանի քաղաքապետ Տարոն Մարգարյանը հրաժարական է տվել հուլիսի 9-ին:
Երևանի ավագանին օրենքի ուժով հրավիրված արտահերթ նիստում քաղաքապետի ընտրության օր է սահմանել հուլիսի 16-ը:
