«Լարսի անցակետում ռուսական կողմից հերթը կազմում է մոտ 4 կմ և անցկետում գտնվում են մոտ 60 բեռնատար ավտոմեքենա». փոխնախարար
Լարսի անցակետում ռուսական կողմից հերթը կազմում է մոտ 4 կմ և անցկետում գտնվում են մոտ 60 բեռնատար ավտոմեքենա: Այս մասին ֆեյսբուքյան իր էջում գրել է ՀՀ տրանսպորտի, կապի և ՏՏ փոխնախարար Արմեն Փամբուխչյանը՝ ներկայացնելով Լարսի անցակետում ստեղծված իրավիճակը:
«Ռուսական կողմից հերթը կազմում է մոտ 4 կմ, անցանելիությունը 4-5 ժամ, անցակետում գտնվում են մոտ 60 բեռնատար, որոնց մոտ կեսը հայկական՝ բեռնված ցորենով: Վրացական մասում ճանապարհին հերթ չկա, մոտ 22 մեքենա է գտնվում տերմինալում, որից տասը հայկական: Կարելի է արձանագրել, որ խնդիրը ստացավ իր լուծումը և միտում ունի ստաբիլացման»,- գրել է փոխնախարարը:
Փամբուխչյանը հատուկ շնորհակալություն է հայտնել վրացական իշխանություններին շուտ փչացող մթերքները տեղափոխող բեռնատարներին արտահերթ կարգով անցանելիություն ապահովելու համար:
