Կառավարությունն առաջարկում է կրկնապատկել ցմահ դատապարտյալների տեսակցությունների թիվը
Այսօր Ազգային ժողովի արտահերթ նիստում քննարկվում է ՀՀ քրեակատարողական օրենսգրքում փոփոխություն կատարելու մասին օրենքի նախագիծը։
ՀՀ արդարադատության նախարար Արտակ Զեյնալյանը նշեց, որ օրինագծով առաջարկում են դատապարտյալների համար հիմնական իրավունք հանդիսացող ընտանիքի և արտաքին աշխարհի հետ կապի ապահովման առումով մեծացնել պետության լիազորությունը։
Նա նշեց, որ առանձնապես ծանր հանցանքների կամ ցման դատապարտված անձանց համար այժմ նախատեսված է՝ տարեկան 3 կարճատև, 1 երկարատև տեսակցություն։ Ըստ նրա՝ այսպիսով խաթարվում է նշված մարդկանց կապն արտաքին աշխարհի և ընտանիքի հետ։ Կառավարությունն առաջարկում է կրկնապատկել այդ թիվը. «Առաջարկվում է նշյալ դատապարտյալներին տրամադրել 6 կարճատև և 2 երկարատև հանդիպում»։
«Ծառուկյան» խմբակցության պատգամավոր, ԱԺ փոխնախագահ Միքայել Մելքումյանը հետաքրքրվեց, թե ինչն է խանագարում, որ ավելի շատ հանդիպումներ նախատեսեն։ Ի պատասխան՝ նախարարն ասաց, որ դատապարտյալների թիվը, շենքային պայմանները, անվտանգության երաշխավորության ապահովումն այս պահին իրենց հնարավորություն են տալիս միայն կրկնապատկել այդ թիվը։
