Պատահար Երևան-Գյումրի ավտոճանապարհին. կա տուժած
Հուլիսի 10-ին՝ ժամը 18:41-ին, «911» ծառայությանը տեղեկություն է հաղորդվել, որ Արագածոտնի մարզի Մաստարա գյուղի մոտակայքում տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Երևան-Գյումրի ավտոճանապարհի 80-րդ կմ-ին բախվել են «Lexus» մակնիշի (վարորդը` Ս. Գ., ծնված 1990 թ.) և «Pajero iO» մակնիշի (վարորդը` Ջ. Խ.) ավտոմեքենաները: «Lexus» մակնիշի ավտոմեքենայի վարորդը հոսպիտալացվել է Թալինի ԲԿ, որտեղ բժիշկները տուժածի առողջական վիճակը գնահատել են բավարար:
Փրկարարները հոսանքազրկել են ավտոմեքենաները և փակել գազի բալոնների փականները:
