Նշաններ, որ Դուք գտել եք Ձեր ողջ կյանքի սերը

«Իսկական սերը չի կարող միանգամից ծնվել. Այդ գործընթացը որոշակի ժամանակ է պահանջում: Դուք կարող եք ասել, որ իսկապես սիրում եք միմյանց միայն այն բանից հետո, երբ ձեր երկրորդ կեսի հետ կապրեք ինչպես՝ լավ, այնպես էլ՝ վատ ժամանակներ…»:

Ռիկարդո Մոնտալբան

Մեր կյանքի ընթացքում մենք գտնվում ենք զանազան ռոմանտիկ հարաբերությունների մեջ` փորձելով գտնել այն մարդուն, որի հետ կանցկացնենք մեր կյանքի մնացած մասը: Որոշ մարդկանց բախտը բերում է, և նրանք ամուսնանում են իրենց առաջին սիրո հետ ու 40 տարի անց կրկին սիրում միմյանց: Իսկ ահա շատերը ստիպված են լինում շատ տարիներ ծախսել այն բանի համար, որ գտնեն իրենց 2-րդ կեսին: Մենք բոլորս տարբեր ենք, և դրանում ոչ մի վատ բան չկա:

Բայց ո՞րն է հենց իսկական սերը:

«Գոյություն ունեն սիրո տարբեր տեսակներ, օրինակ, կրքոտ սեր, որը մեծ դեր է խաղում հարաբերություններում: Սակայն, որպեսզի հարաբերությունները պահպանվեն ու հնարավորինս երկար ձգվեն, զույգերը պետք է սովորեն միմյանց գիտակցաբար սիրել»,- բացատրում է գիտությունների դոկտոր, հոգեթերապևտ Մադիտա Ռաստոջին:

Այնուամենայնիվ, կլինիկական հոգեբան Յանա Դուբինսկայան համարում է, որ իսկական սերը միայն զգացմունքները չեն: Նրա խոսքերով` իսկական սերը ցանկության ու առողջ դատողության, մտադրությունների ու խոստումների արտահայտություն է:

Երբ մարդը վերջապես գտնում է իր ճակատագիրը, նա հասկանում է, որ փնտրտուքի ու ջանքերի վրա վատնած ժամանակն արժեին դրան: Սակայն կան նաև այնպիսի դեպքեր, երբ անգամ հանդիպելով անհրաժեշտ մարդուն` շատերը միանգամից չեն կարող հասկանալ, որ հենց այդ մարդն է իրենց երկրորդ կեսը: Հենց այդ պատճառով էլ անհրաժեշտ է ուշադրություն դարձնել որոշակի նշանների վրա, որոնք ձեզ կհուշեն, թե այդ զուգընկերն արդյո՞ք ձեր ճակատագիրն է, թե՞ ոչ:

Ահա այդ 4 նշանների նկարագիրը`

1. Դուք բաց ու ազատորեն շփվում եք միմյանց հետ:

Շփումը ցանկացած հարաբերությունների կարևոր բաղկացուցիչն է, ինչպես ռոմանտիկ, այնպես էլ՝ պարզապես ընկերական: Որպեսզի համոզվեք, որ գտել եք մարդու, ում հետ կկարողանաք ապրել ձեր ողջ կյանքը, վերլուծեք ձեր շփումը:

Շատերը հայտնվում են այնպիսի հարաբերությունների մեջ, որոնցում նրանք կարողանում են իրենց զուգընկերոջ հետ լավ ժամանակ անցկացնել, սակայն միևնույն ժամանակ՝ ընդունակ չլինեն իրենց զգացմունքների ու ցանկությունների մասին ազատորեն խոսել նրա հետ: Դա կարող է հանգեցնել հարաբերություններում խնդիրների, ինչպես նաև՝ դեպքերի մեծ մասում դառնալ վեճերի ու տարաձայնությունների պատճառ:

Դուք կարո՞ղ եք արդյոք բացեիբաց ձեր կարծիքն արտահայտել անգամ ամենաբարդ իրավիճակներում: Դուք կարողանո՞ւմ եք հանգիստ ու առանց գոռոցների հարթեցնել ձեր խնդիրներն ու լուծել վեճերը: Կիսվո՞ւմ եք միմյանց հետ ձեր զգացմունքներով: Եթե, այո, ուրեմն ձեզ ու ձեր զուգընկերոջը հաջողվել է կառուցել ազնիվ ու բաց շփում, որն էլ հենց հանդիսանում է երկարատև հարաբերությունների հիմնական բաղադրիչներից մեկը:

2. Դուք համատեղելի եք:

Այստեղ խոսքը ոչ միայն ֆիզիկական համատեղելիության մասին է, այլև՝ էմոցիոնալ և հոգևոր: Ֆիզիկական համատեղելիությունը կարևոր դեր է խաղում հարաբերություններում: Չէ՞ որ զուգընկերները պետք է իրենց հարմարավետ զգան ինտիմ հարաբերությունների մեջ մտնելիս, որը պետք է հաճույք պատճառի երկուսին էլ: Այնուամենայնիվ, չարժե մոռանալ նաև էմոցիոնալ և հոգևոր համատեղելիության մասին, որը կարող է ձեր հարաբերությունները ջերմությամբ ու երջանկությամբ լցնել:

Սակայն, ի՞նչ է ենթադրվում էմոցիոնալ համատեղելիության տակ: Պատկերացրեք, որ դուք ձեր զուգընկերոջ հետ միասին գտնվում եք միևնույն ալիքի վրա: Դուք հասկանում եք միմյանց զգացմունքները ու կարող եք ճշգրտությամբ ասել, որ ձեր զուգընկերը երջանիկ կամ տխուր է` պարզապես ձեր կողքին գտնվելով: Եթե դուք լինեք մարդու հետ, ով կարողանում է գործնականորեն գուշակել ձեր տրամադրությունը, ուրեմն դուք գտել եք ձեր ողջ կյանքի սերը:

3. Ձեզ դադարել է վախեցնել ապագան:

Այն մասին, որ դուք գտել եք ձեր ճակատագրի կեսին, կարող է խոսել այն հանգամանքը, որ դուք արդեն հաճելի անհանգստություն եք զգում ու անհամբերությամբ սպասում եք, թե ինչ է լինելու հետո` ապագայում: Եթե նախկինում դուք ձեր ապագան ընդամենը մի քանի ամսվա կտրվածքով էիք պլանավորում, այժմ դուք սկսել եք պլաններ կազմել մի քանի տարիների համար, և ձեր զուգընկերը դրանցում բոլորում պարտադիր կա:

Դուք սկսում եք մտածել այն մասին, թե ինչպիսի տուն գնել, կամ որ դպրոցն ուղարկել ձեր երեխաներին, և այլն: Ինչպիսին էլ որ դուք պատկերացնեք ձեր ապագան, այն ձեզ այլևս չի վախեցնում: Ավելին, դուք անհամբերությամբ սպասում եք, թե ինչ կբերի ձեզ վաղվա օրը: Գլխավորը, որ ձեր կեսը միշտ ձեր կողքին լինի, իսկ մնացածը կարևոր չէ:

4. Ձեր հարաբերություններն ընտանիքի ու ընկերների հետ բարելավվել են:

Բանն այն է, որ, երբ դուք գտնում եք ձեր ճակատագիրը, ձեր ռոմանտիկ հարաբերությունները դրականորեն են ազդում այլ հարաբերությունների վրա ևս: Սերը ձեզ ուժ է տալիս ու էներգիա, որը բարերար ազդեցություն է գործում ձեր ընտանիքի ու ընկերների հետ ձեր ունեցած հարաբերությունների վրա: Ինչպես ասում են, երբ գեղեցիկ ու դրական բառեր ենք արտաբերում, մենք ինքներս էլ դառնում ենք այդպիսին:

Այսպիսով ստացվում է, որ, եթե ձեր կյանքում պոզիտիվի, երջանկության ու բարության աղբյուր կա, դուք կարող եք վերոնշյալը ձեր հարաբերություններ տեղափոխել: Իսկ վատ հարաբերությունները, ինչպես գիտենք, քաշում են ձեր կյանքի ողջ դրականը, լավ հարաբերությունները վերածում ուղիղ հակառակի: Ուշադրություն դարձրեք ընտանիքի անդամների ու ընկերների հետ ձեր հարաբերություններին, և դուք կնկատեք, որ դրանք ավելի ամուր ու պոզիտիվով լցված են դարձել:

Ողջ կյանքի ընթացքում մարդը կարող է տարբեր հարաբերություններ ունենալ` վատ, լավ կամ չեզոք: Թեպետև մենք կարող ենք ժամանակ առ ժամանակ ջերմությամբ հիշել մեր նախկին հարաբերությունները, մենք, միևնույն է, կհասկանանք, որ մեզ պարզապես վիճակված չէր լինել այդ մարդու հետ:

Նյութը հրապարակման պատրաստեց Սոֆա Պետրոսյանը