Ջորջ Քլունին վթարի է ենթարկվել
Կինոդերասան Ջորջ Լքունին վթարի է ենթարկվել Սարդինիա կղզում: Հուլիսի 10-ին այս մասին հաղորդել է La Repubblica թերթը։ Թերթի տվյալներով՝ միջադեպը տեղի է ունեցել Կոստա Կորալինա բնակավայրում, որտեղ դերասանի սքութերը բախվել է ավտոմոբիլի: Ճանապարհա-տրանսպորտային պատահարի մանրամասները չեն ճշտվում:
Այժմ Քլունին գտնվում է կղզու հյուսիս – արեւելքի Օլբիա քաղաքի շտապ օգնության բաժանմունքում: Թերթի տվյալներով՝ նրա կյանքի համար սպառնալիքներ չկան: Հրատարակությունը ճշտում է, որ 57-ամյա ամերիկացի դերասանը եւ ռեժիսորը Սարդինիայում մասնակցում է ամերիկացի գրող Ջոզեֆ Հելերի «Խորամանկություն-22» (1961 թվական) վեպի մոտիվներով սերիալի նկարահանումներին, հաղորդել է ՏԱՍՍ-ը:
